2010 වර්ෂය යනු මා තොරතුරු තාක්ෂණයට ඝෘජුවම බද්ධ වූ වර්ෂයයි. ඊටත් වසර කිහිපයකට පෙර පරිගණකය ආශ්‍රීත බොහෝ ක්‍රියාකාරකම් හී නියලුනද මේ අවස්ථාව මා වෙත උදා වෙන්නේ එවකට ආරච්චිකට්ටුව ප්‍රාදේශීය ලේකම් තුමාගේ (නම දිර්ඝ ලිපියකින් පසුව සදහන් කරමි) ඉල්ලීමකට අනුව මා කාර්යාලීය රාජකාරි සඳහා සම්බන්ධවීමෙන් පසු විද්‍යුත් තැපැල් කටයුතු වලට නැඹුරුවීමට සිදුවීමෙනි. ඒ ලද අත්දැකීම් වලට අනුව මා මටම කියා විද්‍යුත් ලිපිනයක් සකස් කර ගත් අතර ඉන් අනතුරුව ඒ අවධියේ සීග්‍රයෙන් ජනප්‍රිය වෙමින් පැවති මුහුණු පොත සමාජ මාධ්‍යටද සම්බන්ධ විය. ඉන් වසර දෙකක් ගෙවී ගිය තැන එනම් 2012 දෙසැම්බර් මස තවත් ජනප්‍රිය සමාජ මාධ්‍යයක් වන යූටියුබ් නාලිකාවක්ද මා නමින් සකස් කර ගත් අතර ඊට සමගාමීව ආරච්චිකට්ටුව නමින් බ්ලොග් අඩවියක්ද (arachchikattuwa.blogspot.com) නිර්මාණය කෙරුවෙමි. මා විසින් සකස් කරගත් යූටියුබ් නාලිකාව සඳහා අවස්ථා කිහිපයකදි පමණක් වීඩියෝ පට උඩුගත කල අතර එය එතරම් උනන්දුවකින් සිදුකල ඒවා නොවේ. 2022 සැප්තැම්බර් මස වනවිට නැවතත් යූටියුබ් නාලිකාව කෙරේ අවදානය යොමු කරන ලද්දේ මා මිත්‍රයෙකුගේ ඉල්ලීමකට අනුවයි. ඒ සමගම යූටියුබ් සම්බන්ධිත වැඩසටහනටද (YPP) ඉල්ලුම් කල අතර එය සම්පූර්ණ කිරීම සඳහා වසරක් තුල නැරඹුම් පැය 4000ක් සම්පූර්ණ කල යුතු විය. ඒ නිසාම නොයෙකුත් වීඩියෝ පට බෙදා ගනිමින් මාස 03ක පමණ කාලයක් තුල එය සම්පූර්ණ කර ගැනීමට මා හට හැකිවිය. මාගේ නාලිකාව සමගින් සම්බන්ධ වෙමින්, රැඳි සිටිමින් , වැඩසටහන් නරඹමින් හා නිර්මාණකරණයට සහය ලබා දෙමින් කටයුතු කල සියළුම දෙනාට හදවතින්ම ස්තුතිය පුද කර සිටිමි.
Kularathna Jayasekara
මාගේ යූටියුබ් නාලිකාවට මෙතනින් පිවිසෙන්න..............
